O'zbekistonlik yana bir bokschi AQShda debyut jangini o'tkazadi

Professional boksning yarim o'rta (-66,68 kg) vazn toifasida faoliyatini boshlayotgan o'zbekistonlik Fazliddin Meliboev avgust oyida debyut jangini o'tkazadi. Bu haqda GoSport.uz internet-nashri manbalari xabar bermoqda.

Ma'lumotlarga ko'ra, Meliboev mashhur promouterlardan biri Lou Dibella va uning DiBella Entertainment kompaniyasi bilan shartnoma imzolagan. Bahodir Jalolov (6-0, 6 KO) va Xurshidbek Normatov (8-0, 3 KO) ham aynan mana shu promouter bilan shartnomaga ega hisoblanadi.

29 avgust kuni Fazliddin Meliboev debyut jangini AQShning Konnektikut shtati Mashantuket shahrida joylashgan Foxwoods Resort kazino markazida o'tkazadi. Hozircha unga kim raqiblik qilishi ma'lum emas.

Mazkur boks oqshomida Xurshidbek Normatov ham ringga chiqadi. Uning 9-jangi 8 raunddan iborat bo'lishi ko'zda tutilgan. Hozircha Normatovga kim raqiblik qilishi noma'lum bo'lib qolmoqda.