«Real» avgust oyida 2ta o'rtoqlik o'yinini o'tkazadi

Yangi mavsumga tayyorgarlik ko'rayotgan «Real» klub avgust oyida yana ikkita o'rtoqlik o'yinini o'tkazadigan bo'ldi.

Zidan shogirdlari 11 avgust kuni «Stadio Olimpiko»da «Roma» bilan to'qnash keladi. Undan oldin esa «Madrid» 7 avgust kuni Avstriyada «Red Bull» klubiga qarshi maydonga tushadi.

Eslatib o'tamiz, "Qirollik klubi" Xalqaro chempionlar kubogi doirasida «Bavariya» va «Arsenal» qarshi o'yinlarda ishtirok etdi. "Qaymoqranglilar" 27 iyul kuni maxkur musobaqa doirasida «Atletiko»ga qarshi maydonga tushadi.

Shuningdek, «Real Madrid» Myunxen shahrida o'tkaziladigan Audi Cup musobaqasida ishtirok etadi. Jamoa 30 iyul kuni yarim finalda «Tottenxem» bilan to'qnash kelsa, oradan 1 kun o'tib Zidan shogirdlarini final yoki 3-o'rin uchun o'yin kutib turibdi.

«Real» yangi mavsumni 17 avgust boshlaydi. O'sha kuni madridliklar safarda La liga doirasida «Selta»ga qarshi maydonga tushadilar.