"Uotford" futbolchisi faoliyatini Ispaniya chempionatida davom ettiradi

Mark Navarro 2019/20 mavsumni La Ligada o'tkazadi.

"Leganes" va "Uotford" Mark Navarro uchun bir yillik ijaraga olish bo'yicha kelishib olishdi - deya xabar beradi ikkala jamoa rasmiy saytlari.

O'ng qanot himoyachisi "Barselona" tarbiyalanuvchisi hisoblanadi, ammo professional faoliyatini "Espanol"da boshlagan.

Ma'lumot uchun, bir yil oldin Mark "Uotford"ga ko'chib o'tdi va jamoa bilan 5 yillik shartnoma imzoladi, ammo mavsum boshida olgan jarohati tufayli asosiy tarkibdan joy ololmadi va barcha musobaqalarda atigi 5 ta o'yinda maydonga tushdi.