“Paxtakor” – “Qo'qon-1912”: o'zaro o'yinlar tarixidan

Superligasi 14-tur doirasidan o'rin olgan “Paxtakor” – “Qo'qon-1912” uchrashuvi 26 iyul kuni Toshkent shahrida bo'lib o'tadi. Mazkur bahs oldidan ushbu jamoalarning o'zaro o'yinlardagi statistik ma'lumotlari bilan tanishtirib o'tamiz.

O'zaro o'yinlar
Bu jamoalar shu paytga qadar chempionat doirasida 27 marta to'qnash kelishgan.
O'yinlarning 5 tasida vakillarimiz zafar quchishgan, 15 ta bahsda “Sherlar”ning qo'li baland kelgan. Ettita uchrashuvda durang natija qayd etilgan.
To'plar nisbati – 71-38, “Paxtakor” foydasiga. O'zaro o'yinlarda “Qo'qon-1912” 22 ochkoni qo'lga kiritgan. “Paxtakor”ning ochkosi 52 tani tashkil etadi.

Toshkentda o'tgan so'nggi beshta uchrashuv
06.05.2018. Paxtakor - Qo'qon 1912 - 1:1
14.10.2017. Paxtakor - Qo'qon 1912 - 2:0
11.03.2016. Paxtakor - Qo'qon 1912 - 4:0
08.08.2015. Paxtakor - Qo'qon 1912 - 4:1
18.03.2003. Paxtakor - Qo'qon 1912 - 5:1

Boshlanish vaqtlari
“Paxtakor” – “Qo'qon-1912” uchrashuvi, juma kuni Toshkent shahridagi “Paxtakor” markaziy o'yingohda soat 20:00 da start oladi. Bugun esa ushbu jamoalarning o'rinbosarlari U-21 birinchiligi 14-turida maydonga tushishadi. Mazkur o'yin “Qibray” stadionida soat 18:00da boshlanadi.
Har ikki bahsda vakillarimizga omad tilab qolamiz.