O'zbekiston U-16 terma jamoasi “CAFA U-16 championship-2019” musobaqasiga yo'l oldi

O'zbekiston U-16 terma jamoasi shu yilning 14-22 sentyabr kunlari Toshkentda o'tadigan Osiyo chempionati saralashida ishtirok etadi.

Mazkur musobaqaga tayyorgarlik ko'rish maqsadida Azamat Abduraimov shogirdlari Toshkentda yig'in o'tkazdi. O'smirlar terma jamoamiz 19-24 iyul kunlari poytaxtimizda o'quv-mashg'ulot yig'ini tashkil etdi.

Poytaxtdagi yig'inni yakunlagan Azamat Abduraimov boshchiligidagi terma jamoamiz bugun “CAFA U-16 championship-2019” musobaqasida ishtirok etish uchun Tojikistonga etib bordi.

Ta'kidlash joiz, 26 iyul – 1 avgust kunlari Tojikistonda Markaziy Osiyo futbol assotsiatsiyasi tomonidan o'tkaziladigan “CAFA U-16 championship-2019” musobaqasi bo'lib o'tadi.

Mazkur musobaqada O'zbekiston, Tojikiston, Eron, Turkmaniston, Afg'oniston va Qirg'izistonning o'smirlar terma jamoalari ishtirok etishadi.

O'zbekiston U-16 terma jamoasi ilk o'yinni 26 iyul kuni soat 20:30da tojikistonlik tengqurlariga qarshi Dushanbedagi “Markaziy stadion”da o'tkazadi.

Terma jamoamizning mazkur musobaqada qatnashadigan tarkibi: