Grizman debyut uchrashuvidan so'ng intervyu berdi

Bugun «Barselona» yangi mavsumdagi ilk uchrashuvini o'tkazdi. «Chelsi» klubiga mag'lubiyatga uchragan Valverde shogirdlari yangi futbolchilarni sinovdan o'tkazib olishga muvaffaq bo'ldi. O'yindan so'ng jamoa murabbiylari va Grizman tomonidan berilgan intervyularni siz uchun tarjima qildik.

Ernesto Valverde

Biz yaxshi uchrashuvni o'tkazdik. Shunday bo'lsada, Leo kelgach o'zimizning to'liq imkoniyatlarimizni sinab olishimiz mumkin. Bugun Grizman o'zining debyut uchrashuvini o'tkazdi. Tan olish lozim, undan umidimiz katta. Sababi, u yosh bo'lsada juda tajribali futbolchi sanaladi. Undan juda ko'p narsalar kutmoqdamiz. Uning bizga foydasi tegishiga ishonchim komil. U anchadan beri Ispaniyada to'p surmoqda. Balki shu sababli, u to'p bilan yaxshi munosabatda bo'ladi va maydonda chaqqon harakatlari bilan ajralib turadi. Biz uning imkoniyatlarini yaxshi bilganimiz uchun ham xarid qildik.
De Yong o'tgan mavsumda yuqori saviyada to'p surgani hech kimning yodidan ko'tarilmagan bo'lsa, ajab emas. U bizning maydon markazimizga yangi havo olib kira oladi. De Yong uzoqni o'ylab amalga oshirilgan transfer. U hali juda yosh va uzoq muddat davomida «Barselona» sharafini munosib himoya qila oladi. Eng muhimi uning o'yin uslubi «Baselona»nikiga juda mos!

Frenk Lempard

O'rtoqlik uchrashuvi bo'lgan bo'lsada «Barselona» ustidan qozonilgan g'alaba doimo yoqimli. Biz jamoamiz rasmiy uchrashuvlarda ham shunday to'p surishi uchun qo'ldan kelgancha harakat qilamiz. Ayniqsa, «EChL» uchrashuvlarida bizga ishonchli o'yin juda ham muhim.
Tez orada bizni «Liverpul»ga qarshi «Super Kubok» bahsi kutib turibdi. Og'ir o'tishi kutilayotgan bahs meni va futbolchilarimni sinovdan o'tkazib olish uchun ajoyib imkoniyat. O'tgan mavsumda Jorjino borasida ko'plab bahs va munozaralar bo'lgan edi. O'yinchilar ba'zan o'zi haqida aytilgan so'zlarni shunchaki o'tkazib yubora olmaydi. Uning men kelgandan so'ng pozitsiyasi o'zgarishi mumkin. Bu futbolchi so'nggi 10 kun ichida meni hayratda qoldirishga ulgurdi. Uning unversalligini tez orada hamma bilib olsa, ajab emas.

Antuan Grizman

Men «Barselona» libosida ilk bor maydonga tushganimdan mamnunman. Bu uchrashuvda mag'lub bo'lgan bo'lsakda, bu qo'rqinchili holat emas, bu shunchaki qizishib olich uchun tashkillashtirilgan o'yin. Jamoa meni iliq kutib oldi. Bunday yigitlar bilan bir kiyinish xonasida birga o'tirishning o'zi katta baxt! Umid qilamanki, yangi klubim uchun ko'p foydam tegadi. Suarez menga qo'ng'iroq qilib tabriklashga ulgurdi. To'g'ri, Messi menga qo'ng'iroq qilganicha yo'q, biroq umid qilamanki, u  bilan tez orada uchrashamiz.

Messini mashg'ulotlar paytida ko'rishni juda istayapman. Bundan tashqari  uni maydonda ko'p bor ko'rgan bo'lsamda, uning futboldan tashqarida qanday inson ekanligi bilan tanish emasman.  Uning kelishini sabrsizlik bilan kutyapman. Men Messi va «Barselona» uchun tezroq qo'limdan kelgancha yordam berishni istayman. Aniq bilamanki, u bilan til topishib ketamiz.

Yangi mavsum oldidan 3 ta sovrinni boshimiz uzra ko'tarishni maqsad qilganmiz. Bu yutuqlarga erishishimiz uchun qo'limdan kelganicha harakat qilishga tayyorman.