FIFA Prezidenti Janni Infantino O'FA Prezidenti Abdusalom Azizovga tabrik yo'lladi

Xalqaro futbol assotsiatsiyalari federatsiyasi prezidenti Janni Infantino O'zbekiston futbol assotsiatsiyasi rahbarligiga yangi saylangan Abdusalom Azizovga tabrik maktubini yo'lladi.

"Hurmatli,  Prezident!

O'zbekiston futbol assotsiatsiyasining Prezidenti lavozimiga saylanganingiz munosabati bilan sizga eng samimiy tabriklarim va ezgu tilaklarimni yo'llashdan mamnunman.

Sizning bilim va salohiyatingiz, rahbarlik tajribangiz ajoyib o'yinimizning mamlakatingizda yanada rivojlanishiga xissa qo'shishiga aminman. Bu yo'lda mening shaxsiy qo'llab-quvvatlashim va FIFA tomonidan bildiriladigan ishonchga suyanishingiz mumkin. FIFAning eshiklari siz uchun hamisha ochiq bo'lishini bildirmoqchiman.

Sizdan yangi saylangan Vitse-prezident hamda Ijroqo'm a'zolariga ham mening samimiy tabriklarimni etkazib qo'yishingizni so'rayman.

Sizga va Siz rahbarligingizdagi jamoaga omad va barcha boshlagan ishlaringizda muvaffaqiyatlar tilayman.

Yaqin vaqt ichida siz bilan uchrashishga umid bildiraman.  

Eng ezgu tilaklarimni qabul qiling!"

Janni Infantino.