Forbes. Jahonning eng qimmat klublari reytingi e'lon qilindi

"Forbes" jurnali jahonning eng qimmat 50ta sport klublari reytingini e'lon qildi. Undan Evropaning 8ta futbol klublari o'rin oldi.

Futbol jamoalari orasida «Real» klubi reytingni boshqarmoqda. Uning qiymati 4,24 milliard dollarga baholangan. Shuningdek, «Barselona» (4,02 mlrd dollar) va «Manchester Yunayted» (3,81 mlrd dollar) klublari top-10ga kiritildi.

Umumiy reytingni esa Amerika futboli bo'yicha "Dallas Kovboyz" (5 mlrd dollar) klubi egallagan bo'lsa, ikkinchi pog'onani «Nyu-York Yankiz» beysbol klubi (4,6 mlrd dollar) zabt etgan.

Jahonning eng qimmat futbol klublari:

3. «Real» (4,24 mlrd dollar);

4. «Barselona» (4,02);

6. «Manchester Yunayted» (3,81);

17. «Bavariya» (3,02);

25. «Manchester Siti» (2,69);

32. «Chelsi» (2,58);

42. «Arsenal» (2,27);

45. «Liverpul» (2,18).