Garet Beyl «Real»ning umumiy guruhida shug'ullandi

Kecha Xalqaro chempionlar kubogi musobaqasida dastlabki o'yinini o'tkazgan «Real Madrid» futbolchilari bugun yana mashg'ulot maydoniga qaytishdi.

Mashg'ulotda jamoa asosiy e'tiborni to'p bilan ishlashga qaratdi. Klub navbatdagi bahsni chorshanba toniga «Arsenal»ga qarshi o'tkazadi.

E'tiborli tomoni, jamoani tark etishga yaqin turgani "Real" bosh murabbiyi Zidan tomonidan tasdiqlangan Garet Beyl, umumiy guruh mashg'ulotlarida to'liq ishtirok etdi.

Alvaro Odriosola zalda ishlagan bo'lsa, Braim Dias maydonda alohida shug'ullandi.