Tuxel: «Har bir murabbiy jamoada Neymar bo'lishini istaydi»

«PSJ» bosh murabbiyi Tomas Tuxel jamoa hujumchisi Neymar bilan bog'liq vaziyat yuzasidan o'z fikrini bildirdi.

«Har bir murabbiy jamoada Neymar bo'lishini istaydi. U bizning o'yinchi. Men vaziyatga xotirjamlik bilan yondashyapman. Yangi mavsumda men unga umid bildiryapman, ammo futbolda hamma narsa ro'y berishi mumkin. Neymar ertaga biz bilan shug'ullanadi», – dedi Tuxel.

Eslatib o'tamiz, parijliklar bosh murabbiyi Tomas Tuxel o'tgan haftada braziliyalik futbolchi jamoani tark etishni istayotganini tasdiqlagandi. Sky Sport tarqatgan xabarga ko'ra, «Barselona» Neymar uchun «PSJ»ga 100 million evro va ikki futbolchini taklif etdi.