«Barselona» himoyachisi «Xetafe»ga o'tdi

"Barselona" himoyachisi Mark Kukurelya "Xetafe"ga o'tdi. Bu haqda klub rasmiy sayti xabar tarqatdi.

Madridliklar 20 yoshli futbolchini bir yilga ijaraga olishdi. Shundan so'ng uni 6 million evroga sotib olish huquqini ham o'zlarida saqlab qolishdi. Bundan tashqari, futbolchi keyinchalik boshqa jamoaga sotiladigan bo'lsa, "Barselona" transferning 40 foiziga ega bo'ladi.

Eslatib o'tamiz, "Barselona" avvalroq Kukurelyani "Eybar"dan 4 million evroga sotib olgan edi.

Mark Kukurelya "Barsa" akademiyasi tarbiyalanuvchisi hisoblanadi. Yakunlangan mavsumni u "Eybar" safida o'tkazib, barcha musobaqalar doirasida 33ta o'yinda maydonga tushdi.