"Milan" Bonaventura bilan shartnomani uzaytirishni rejalashtirmoqda

"Milan" yaqin orada yarim himoyachi Jakomo Bonaventura bilan shartnomani uzaytirishi mumkin, deya xabar beradi jurnalist Jakluki Di Martsio.

Ma'lumot uchun, yarim himoyachi jarohatidan so'ng tiklanish jarayonini yakunlaydi va tez orada umumiy guruh mashg'ulotlariga qaytadi.

Markaziy yarim himoyachining klub bilan tuzgan amaldagi shartnomasi 2020 yilda tugaydi, ammo italiyaliklar futbolchini jamoada saqlab qolmoqchi.

Eslatib o'tamiz, Bonaventura 2014 yilda "Atalanta"dan Milanga kelib qo'shilgan edi.

Shuningdek, o'tgan mavsumda 29 yoshli futbolchi "Milan" tarkibida 10 ta o'yinda maydonga tushib, 3 ta gol va 1 ta gollik uzatma amalga oshirgan.