Kamerun terma jamoasi Zeedorf va Klyuyvert bilan xayrlashdi

Afrika millatlar kubogida qoniqarsiz natijalarga erishganligi sababli, Kamerun futbol federatsiyasi Klarens Zeedorf bilan shartnomani bekor qildi.

Shuningdek, uning yordamchisi Patrik Klyuyvert bilan ham kelishuvni bekor qilish to'g'risida qaror qabul qilindi.

Eslatib o'tamiz, Afrika Millatlar Kubogida Kamerun terma jamoasi 1/8 finalda Nigeriyaga (2:3) mag'lub bo'lib musoboqani tark etdi.

Ma'lumot o'rnida, Zeedorf rahbarligida Kamerun 13 ta uchrashuv o'tkazib, 4 ta g'alabaga erishdi.