Yosh kurashchilarimiz Osiyo chempionatida 12 ta medal olishdi

Tailandning Chon Buri shahrida sport kurashlari bo'yicha yoshlar o'rtasida Osiyo chempionati o'z nihoyasiga etdi. Musobaqani erkin kurashchilar bahsi yakunlab berdi.

Qit'a birinchiligining so'nggi kunida ham yigitlarimizning muvaffaqiyatli ishtiroki davom etdi. 61 va 92 kilogrammgacha bo'lgan vazn toifalarida gilamga chiqqan polvonlarimiz Nodir Rahimov hamda Ajiniyaz Saparniyazov finalgacha bo'lgan yo'lni muvaffaqiyatli bosib o'tishdi. Biroq hal qiluvchi bellashuvda ikkalalari ham eronlik raqiblariga imkoniyatni boy berib qo'yishdi.

Shu tariqa erkin kurashchilarimiz Osiyo chempionatini 2 tadan kumush va bronza medallari bilan yakunlashdi. Umumiy hisobda esa delegatsiyamiz 1 ta oltin, 6 ta kumush va 5 ta bronza medallarini jamg'arishdi.