Universiada-2019: Bugun taekvondo va kamondan otish bo'yicha sportchilarimiz medallar uchun kurashishadi

Xabaringiz bor, ayni kunlarda Italiyaning Naepol shahrida Butunjahon talabalari o'rtasida yozgi Universiada o'yinlari bo'lib o'tmoqda.

Bugun musobaqaning oltinchi kuni doirasida bir qator sportchilarimiz musobaqa g'olibligi uchun bahs olib borishadi. Jumladan, ushbu kun doirasida taekvondochilarimiz ham bahslarni boshlaydilar va ular terma jamoamiz hisobiga navbatdagi medallarni taqdim qilishi kutilmoqda. Shuningdek, tennis, engil atletika va kamondan otish bo'yicha ham hamyurtlarimiz saralash bahslarida ishtirok etishadi.

Taekvondo:
-57 kg: Dinora Mamadibragimova – Yona Kunya (Portugaliya)
-68 kg: Shahboz Tusmatov – Nikotsi Grey (Trinidad va Tobago)
-80 kg: Shuhrat Salaev – Jon Asp (Norvegiya)

Tennis:
Laylo Bahodirova – Rebekka Gustafsson (Shvetsiya)
Humoyun Sultonov – Menelaos Efstatsion (Kipr)
Umarova / Fayziev – Jeong / Xong (J.Koreya)
Sanjar Fayziev – Syonchang Xong (J.Koreya)

Engil atletika:
Shohrux Baratov – 400 metr, to'siqlar osha
Vladislav Palyunin – nayza uloqtirish

Kamondan otish:
Yunus Sarmambetov
Javlonbek Abdubakirov
Gulnozaxon Maxammadjonova
Gulmira O'rinboeva

Eslatib o'tamiz, ayni paytda O'zbekiston terma jamoasi hisobida dzyudochilarimiz qo'lga kiritgan 4 ta bronza medali mavjud.