Eden Azar «Real» safida raqam tanlashga qiynalmoqda

Yaqinda "Real" safiga o'tgan Eden Azar hamon o'ziga raqam tanlamadi.

AS nashri tarqatgan xabarga ko'ra, belgiyalik futbolchiga katta ehtimol bilan 7-raqam taqdim etiladi. "Qirollik klubi"da bu raqam hozirda Mariano Diasga tegishli.

Bundan tashqari, Azarga 11-raqam nasib etishi mumkin, agar yozgi transfer paytida Garet Beyl jamoani tark etadigan bo'lsa.

Eslatib o'tamiz, Azar "Chelsi"da 10-raqamli futbolkada o'ynagan. Luka Modrich esa bu raqamni yangi jamoadoshiga berish niyatida emas.