"Parma" Albaniya terma jamoasi himoyachisi bilan shartnoma imzoladi

"Kozensa" va Albaniya terma jamoasi himoyachisi Kastriot Dermaku "Parma" bilan to'rt yillik shartnoma imzoladi.

27 yoshli Dermaku Italiyada tug'ilib, "Sassuolo" tarbiyalanuvchisi hisoblanadi, ammo hali Italiya "A" Seriyasida to'p surmagan.

Shuningdek, o'tgan yilning oktyabrida futbolchi Albaniya milliy terma jamoasida debyut qildi, hozirda u 3 ta uchrashuvda maydonga tushdi.

Ma'lumot o'rnida, "Parma" o'tgan mavsum oxirida "A" Seriyada 14-o'rinni egalladi.