Pogba "MYu" bilan mavsumoldi turnesiga yo'l oladi

"Manchester Yunayted" Avstraliyada o'tadigan mavsumoldi turnesiga boradigan futbolchilar ro'yxatini e'lon qildi.

"MYu" tarkibidan "Real" va "Yuventus" klublari da'vogarlik qilayotgan Pol Pogba ham o'rin oldi. "Inter" o'z safida ko'rishni istayotgan hujumchi Romelu Lukaku ham manchesterliklar ro'yxatida.

Oilaviy holatlari tufayli Fred va Matteo Darmin kabi futbolchilar turnega bormaydilar.

Ole-Gunnar Sulsher jamoasi bugunoq Avstraliyaga uchib ketadi va 13 iyul kuni "Pert Glori" bilan o'rtoqlik uchrashuvi o'tkazadi.