Misr terma jamoasi murabbiysiz qoldi

Misr terma jamoasi bosh murabbiyi Xaver Agirre Afrika millatlar kubogi 1/8 finalining Janubiy Afrikaga qarshi baxsdagi mag'lubiyatidan so'ng iste'foga chiqarildi, deya xabar beradi KingFut.

Misr futbol assotsiatsiyasi rahbari Xani Abo Rida ham o'z lavozimidan ketmoqchi.

Ma'lumot o'rnida, 60 yoshli Agirre o'tgan yil avgust oyida Misr terma jamoasini qabul qilib olgan.

Meksikalik mutaxassis terma jamoa bilan 2022-yilgacha shartnoma imzolagan edi.

Eslatib o'tamiz, Agirre "Osasuna", "Atletiko", "Saragosa" va "Espanol" jamoalarini boshqargan.

Shunigndek u Meksika va Yaponiya terma jamoalari bilan ham ishlagan.