Hikmatilloh To'raev Universiadaning bronza medali uchun kurashadi

Ayni kunlarda Italiyaning Neapol shahrida talabalar o'rtasida Butunjahon Universiada o'yinlari bo'lib o'tmoqda. XXX bor o'tkazilayotgan mazkur musobaqada 42 nafar sportchimiz yurtimiz sharafini himoya qilishmoqda.

Dzyudo bo'yicha -73 kg vazn toifasida hamyurtimiz Hikmatilloh To'raev bugun bahslarga kirishdi.

Dastlabki davrada latviyalik Abulfazs Nasirovsni enggan To'raev yarim final yo'lida Kim Chol Gvang (KXDR) va italiyalik Andrea Jismondoni mag'lub etishga erishdi. Afsuski, final ostonasida sportchimiz rossiyalik Evgeniy Prokopchukka imkoniyatni boy berib qo'ydi. To'raev endi Universiadaning bronza medali uchun tatamiga chiqadi.

Eslatib o'tamiz, kecha +90 kg vazn toifasida Muhammadkarim Xurramov delegatsiyamiz hisobiga dastlabki medalni keltirgan edi.