"Barselona" Neymardan janjal chiqarmaslikni so'radi

"Barselona" Neymarning "PSJ"ning mavsumoldi mashg'ulotlariga boykot e'lon qilmoqchiligidan norozi. Shu bois klub undan hech narsa qilmaslikni, janjal ko'tarmaslikni so'radi. Bu haqda "Sport.es" xabar tarqatdi.

Manbaning yozishicha, Kataloniya klubi yaqin orada Neymarning transferi borasida kelishuvga erishishiga ishonmayapti. Demak, muzokaralar cho'zilishi mumkin. Neymarning boykoti esa vaziyatni yanada murakkablashtiradi, deb hisoblamoqda ispan klubi rahbariyati.