Lempard: "Chelsi"ga bosh murabbiy sifatida qaytganim bilan faxrlanaman"

"Chelsi"ning sobiq futbolchisi va yangi bosh murabbiyi Frenk Lempard londonliklar safiga qaytgani haqida so'zladi.

"Chelsi"ga bosh murabbiy sifatida qaytganimdan bag'oyat faxlanaman. Bu klubga bo'lgan muhabbatim va u bilan bosib o'tgan yo'lim hammaga ma'lum. Men diqqatimni yangi mavsumdagi ishlarimga qaratganman.

Bu erga chin ko'ngildan ishlash va klubga omad keltirish uchun keldim. Yangi ish boshlashga oshiqib ketyapman", - deydi Lempard.

Lempard murabbiylik faoliyatini 2018 yilda boshlagan. Uning debyut mavsumida "Derbi" chempionshipda 6-o'rinni egalladi. APL yo'llanmasi uchun pley-offda "Aston Villa"ga yutqazib qo'ydi.

Futbolchi sifatida 2001 dan 2014 yilgacha londonliklar sharafini himoya qilgan va 13 sovringa ega bo'lgan. 211 ta goli bilan "Chelsi" tarixida eng yaxshi to'purar bo'lib turibdi.