O'zbekiston Liga Kubogi. «Qo'qon-1912» «Lokomotiv»ga javobsiz 4ta gol urdi

O'zbekiston Liga kubogining 2-turidan o'rin olgan “Qo'qon-1912” – “Lokomotiv” uchrashuvi o'z nihoyasiga etdi. Qo'qonda bo'lib o'tgan o'yinda mezbonlarning qo'li baland keldi.

Uchrashuvni mezbonlar faol tarzda boshlashdi. 10-daqiqada Muhammadanas Hasanov bir necha raqiblarni ortda qoldirib, raqib darvozasi tomon yaqinlashdi. Biroq uni raqiblar qo'pollik bilan to'xtatib qolishdi.

13-daqiqada “Qo'qon-1912” futbolchilari hisobni ochishga muvaffaq bo'lishdi. Burchakdan oshirilgan to'pni Javohir Esonqulov boshi bilan raqib darvozasiga aniq yo'lladi. Jamoalar tanaffusga shu hisobda chiqib ketishdi.

Ikkinchi taymni ham maydon egalari shiddatli hujumlar ostida boshlashdi.

58-daqiqada jarima to'pini tepish huquqiga ega bo'lgan mezbonlar uni tezda o'yinga kiritishdi va raqib darvozasini aniq nishonga olishdi. Gol muallifi Javohir Esonqulov bo'ldi.

O'yinning 86-daqiqasida mehmonlar o'z jarima maydonchalari ichida Timur Usmonovni qo'pollik bilan to'xtatib qolishdi. Hakam “Loko” darvozasi tomon penalti belgiladi. Penaltini esa Quvondiq Ro'ziev aniq amalga oshirdi. Penaltini “Qo'qon-1912” futbolchilari boshqacharoq tarzda amalga oshirishdi. Timur Hakimov to'pni o'ng tomonga oshirib berdi. Quvondiq Ro'ziev esa uni golga aylantirdi.

90-daqiqada Quvondiq Ro'ziev “Loko” darvozasiga to'rtinchi golni kiritdi. Shu tariqa maydon egalari Liga kubogidagi ikkinchi uchrashuvda  4:0 hisobida g'alaba qozonishdi va keyingi bosqichga chiqish vazifasini muddatidan oldin hal etishdi.

Liga Kubogi

“V” guruhi

2-tur

“Qo'qon-1912” – “Lokomotiv” – 4:0 (1:0)

Gollar: Javohir Esonqulov (13,58), Quvondiq Ro'ziev (86, 90).

“Qo'qon-1912”: 25. Sarvar Karimov, 8. Muhammadanas Hasanov, 10. Quvondiq Ro'ziev, 11. Timur Hakimov, 13. Javohir Esonqulov, 14. Avaz Mamatxo'jaev, 15. Oybek Rustamov, 17. Bexruz Sadilloev (99. Dilshod Baratov – 68), 20. Iqbol Malikjonov, 21. Timur Usmonov, 27. Jasur Yoqubov.

 “Lokomotiv”: 84. Hojiakbar Jo'raev, 14. Azizbek Amonov, 19. Avaz O'lmasaliev (43. Shoxrux Mo'minqulov – 46), 25. Javohir Alijonov, 26. Dilshod Komilov, 52. Jaloliddin Jumaboev, 56. Jamoliddin Bahromov, 75. Vladislav Fomin, 78. Umar Adhamzoda, 79. Asadbek Islomov, 81. Bek Abdullaev.