Dani Alves: "Messiga qo'shilaman, hakam futbolchilardan ko'ra, ko'proq asabiylashdi"

Braziliya terma jamoasi sardori Dani Alves Amerika kubogi-2019 yarimfinalida Argentina ustidan qozonilgan g'alabadan so'ng (2:0) raqib sardori Lionel Messining fikrlarini qo'llab-quvvatladi.

"Barselona" o'yinchisi o'yin hakamini tanqid qilgan edi.

"Uning fikriga qo'shilaman, hakam bizdan ko'ra, ko'proq asabiylashdi. Dunyoda eng zo'ri bo'lish qiyindir. Agar biz yutqazganimizda aybdor hamma bo'lar edi. Biroq Argentinada hamma ayb Leoga tushadi", - deydi Alves.