"Barselona" "quloqsiz" o'yinchisini 50 mln evroga sotishga tayyor

"Barselona" himoyachisi Samuel Umtiti yozgi transferlar chog'ida klubini o'zgartirishi mumkin.

Diario Sport nashri xabariga ko'ra, kataloniyaliklar 25 yoshli futbolchi uchun tushadigan taklifni ko'rib chiqishga hozirlar. Frantsiyalik futbolchining transferi 50 mln evroga baholanmoqda.

Ta'kidlanishicha, futbolchi jarohatidan so'ng operatsiyaga rozi bo'lmagan va konservativ usulda davolangan. Bu tiklanish muddatining cho'zilib ketishiga olib kelgan. "Barselona" shundan norozi.