Hasanboy Do'smatov faoliyatini professional boksda davom ettiradi

2016 yilgi Rio olimpiadasi chempioni Hasanboy Do'smatov faoliyatini professional boksda davom ettiradi. Bu haqda GoSport.uz internet-nashri manbalari xabar bermoqda.

Ma'lumotlarga ko'ra, Do'smatov AQShda faoliyat olib boradi. U “Mir boksa“ promouterlik kompaniyasi tarkibida janglarda ishtirok etadi. Ayni vaqtda sportchi viza masalalarini hal qilmoqda. Tez orada u Amerikaga, Kaliforniyaga jo'nab ketadi.

Hasanboy Do'smatov professional boksda o'ta engil (-50,80 kg, 112 fut) vazn toifasida faoliyat olib borishi kutilmoqda.

Ma'lumot uchun, ayni vaqtda “Mir boksa“ promouterlik kompaniyasi bilan o'zbekistonlik bir qator bokschilar, jumladan Shahram G'iyosov (8-0, 6 KO), Murodjon Ahmadaliev (6-0, 5 KO) va Isroil Madrimov (3-0, 3 KO) rasmiy shartnoma tuzgan holda faoliyat olib borishmoqda. Bundan tashqari Bektemir Meliqo'ziev (1-0, 1 KO) ham shu kompaniya qo'l ostida mashg'ulotlar olib boradi, ammo Meliqo'ziev va “Mir boksa“ o'rtasida shartnoma tuzilgani haqida rasmiy ma'lumotlar berilmagan.