Ronaldu emas: Habib "Oltin to'p"ga kim munosib ekanligini aytdi

Rossiyalik jangchi, UFC chempioni Habib Nurmagomedov "Oltin to'p"ga kim munosib ekanligini aytdi.

"Ronalduni Portugaliyaning Millatlar Ligasidagi g'alabasi bilan tabriklamadim. Ammo skudetto bilan tabrikladim. U omadli mavsum o'tkazdi, ammo Chempionlar ligasida yutqazdi. "Oltin to'p"ga kim yaqinroq: Ronaldu, Messi, Saloh yoki van Deyk. Balki, Alisson olar, u "Liverpul" bilan Chempionlar ligasi g'olibi bo'ldi, ehtimol, Amerika Kubogi g'olibi bo'lar. Dahshatli raqobat.

Ammo agar darvozabon yoki himoyachi "Oltin to'p"ni qo'lga kiritsa, qiziqarli bo'lardi. Messi va Ronalduda allaqachon 5 tadan "Oltin to'p" bor. Adashmasam, himoyachilardan faqat Kannavaro bu sovrinni qo'lga kiritgan. Agar "Oltin to'p"ni van Deyk olsa, adolatdan bo'lardi", — dedi Nurmagomedov.