WBA yangilagan reytingida Shahram G'iyosov ko'tarildi, Shohjahon Ergashev pastladi
/ Kiritdi: BestMaster Ko'rilgan: 903
Butunjahon boks assotsiatsiyasi WBA professional bokschilarning yangi reytingini e'lon qildi. Unda o'zbekistonlik bokschisi Shahram G'iyosov (8-0, 6 KO) yuqorilashga muvaffaq bo'ldi, deya xabar bermoqda GoSport.uz internet-nashri muxbiri.
Super engil (-63,5 kg) vazn toifasida ringga chiqayotgan Shahram G'iyosov iyun oyi uchun chiqarilgan reytingda oldingi oyga nisbatan ikki pog'ona yuqorilab, 11-o'ringa joylashdi. Shahram aprel oyi so'ngida amerikalik Emmanuel Teylorni ochkolar hisobida mag'lubiyatga uchratib, WBA International chempionlik kamarini qo'lga kiritgandi.
Yangilangan reytingda super yarim o'rta (-69,85 kg) vazn toifasida ringga chiqayotgan Isroil Madrimov (3-0, 3 KO) may oyida bo'lgani kabi 6-pog'onada, ikkinchi yarim engil (-55,34 kg) vazn toifasida ringga chiqayotgan Murodjon Ahmadaliev (6-0, 5 KO) o'tgan oydagi kabi ikkinchi o'rinda qoldi.
Super engil (-63,5 kg) vazn toifasi vakili Shohjahon Ergashev (16-0, 14 KO) esa bu safar reytingda pastlab 5-o'ringa joylashdi.
Reytingda o'zbekistonlik boshqa sportchilar o'rin olmagan.
Bosh sahifaga
195