Keyn yana bir top klub uchun asosiy maqsadga aylandi

«PSJ» «Tottenxem» hujumchisi Xarri Keynga qiziqish bildirmoqda, deya xabar beradi Le Parisien.

Manbaning xabariga ko'ra, «PSJ» maslahatchisi Luish Kampush 29 yoshli angliyalikni yozgi transfer oynasidagi klub uchun asosiy maqsadlardan biri deb hisoblamoqda.

Keyn joriy mavsumda «Tottenxem» safida barcha turnirlarda 42 ta o'yinda maydonga tushib, 25 ta gol urdi va 4 ta golli uzatmani amalga oshirdi. Transfermarkt portali uning narxini 90 million evroga baholamoqda.