“Qo'qon-1912” – “Paxtakor”: o'zaro o'yinlar tarixidan

Coca Cola Superligasi 13-tur doirasidan o'rin olgan “Qo'qon-1912” – “Paxtakor” uchrashuvi 29 iyun kuni Qo'qon shahrida bo'lib o'tadi. Mazkur bahs oldidan ushbu jamoalarning o'zaro o'yinlardagi statistik ma'lumotlari bilan tanishtirib o'tamiz.

O'zaro o'yinlar

Bu jamoalar shu paytga qadar chempionat doirasida 26 marta to'qnash kelishgan.

O'yinlarning 5 tasida vakillarimiz zafar quchishgan, 14 ta bahsda “Sherlar”ning qo'li baland kelgan. Ettita uchrashuvda durang natija qayd etilgan.

To'plar nisbati – 69-37, “Paxtakor” foydasiga. O'zaro o'yinlarda “Qo'qon-1912” 22 ochkoni qo'lga kiritgan. “Paxtakor”ning ochkosi 49 tani tashkil etadi.

Qo'qonda o'tgan so'nggi beshta uchrashuv

12.08.2018 «Qo'qon-1912» - «Paxtakor» 1:1
06.05.2017 «Qo'qon-1912» - «Paxtakor» 1:1
08.08.2016 «Qo'qon-1912» - «Paxtakor» 1:1
05.07.2015 «Qo'qon-1912» - «Paxtakor» 2:2
02.11.2003 «Qo'qon-1912» - «Paxtakor» 3:2

Fakt: Qo'qonda o'tkazilgan so'nggi beshta uchrashuvda “Paxtakor” futbolchilari g'alaba qozona olishmayapti.

Hakamlar
29 iyun kuni Qo'qondagi “Markaziy” o'yingohda bo'lib o'tadigan “Qo'qon-1912” – “Paxtakor” uchrashuvini Vadim Agishev boshchiligidagi hakamlar guruhi boshqarib borishadi.

Coca-Cola Superliga
13-tur
29 iyun
QO'QON-1912 - PAXTAKOR
Hakamlar: Vadim Agishev, Rasul Fozilov, Maksim Nexochin, G'ayrat Jo'raev
Nazoratchi: Artyom Arutyunov
Komissar: Aleksandr Davidenko

415-uchrashuv arafasida

«Qo'qon-1912» jamoasi O'zbekiston chempionatlaridagi 415-o'yinini o'tkazish arafasida turibdi. 14-mavsum kuchlilar safida ishtirok etayotgan qo'qonliklar shu kunga qadar 414 ta uchrashuv o'tkazishga muvaffaq bo'lishdi.

Shularning 146 tasida jamoamiz g'alaba qozongan. 65 uchrashuvda g'olib nomi aniqlanmagan. 203 ta o'yinda mag'lubiyatga uchragan. To'plar nisbati 550 – 755. Umumiy ochkolar 503 tani tashkil etadi.

Aytgancha, Suhrob Berdievning “So'g'diyona” darvozasiga kiritgan ikkinchi goli jamoamizning milliy chempionatlardagi 550-goli sifatida tarixda qoladigan bo'ldi.
Coca Cola Superligasi 13-tur doirasidagi “Paxtakor” bilan bo'ladigan uchrashuv jamoamizning O'zbekiston chempionatlardagi 415-o'yini bo'ladi.

Boshlanish vaqtlari
"Qo'qon-1912" – “Paxtakor” uchrashuvi, shanba kuni Qo'qon shahridagi “Markaziy” o'yingohda soat 18:00 da start oladi. Bugun esa ushbu jamoalarning o'rinbosarlari U-21 birinchiligi 13-turida maydonga tushishadi. Mazkur o'yin Uchko'prikdagi “Markaziy” stadionda soat 17:30da boshlanadi.