Ueyn Runi 60 metrdan gol urdi (video)

Kecha oqshom AQSh chempionati doirasida «Di Si Yunayted» — «Orlando Siti» jamoalari o'rtasidagi o'yin bo'lib o'tdi. Uchrashuvda mezbonlar 1:0 hisobida g'alaba qozonishdi.

O'yindagi yagona golga hujumchi Ueyn Runi mualliflik qildi. «Manchester Yunayted» sobiq futbolchisi 10-daqiqada maydonning o'ziga tegishli qismidan (taxminan 60 metrlardan) zarba berib, to'pni darvozaga tushirdi. Bu paytda «Orlando» darvozaboni Brayan Rou oldinga chiqib ketgan edi. Runi uchun bu gol MLS'ning ushbu mavsumidagi 9-gol bo'ldi.