«Barselona» Neymar bo'yicha «PSJ»ga dastlabki taklifni yubordi

«Barselona» klubi Neymar bo'yicha «PSJ»ga dastlabki taklifni yubordi. Ammo parijliklar bu taklifga rad javobini berdi. Bu haqda Le Parisien xabar tarqatdi.

Manbaga ko'ra, frantsiyaliklar rahbariyati bu taklifni juda sovuq qarshi olishgan va «Barsa» bilan muzokara o'tkazishdan bosh tortishgan. Futbolchining o'zi esa Amerika kubogi yakunlanganidan keyin — 7 iyul kuni "PSJ"ni tark etish niyatida ekanini e'lon qilmoqchi.

Ma'lumotlarga qaraganda, Neymar «Barselona» tomonidan berilgan 5 yillik shartnoma haqidagi taklifni qabul qilgan. Unga ko'ra, braziliyalik futbolchining maoshi hozirgiga nisbatan kamayadi.

Neymar 2017 yilda 222 million evro evaziga «Barselona»dan «PSJ»ga o'tgandi. Parijliklar futbolchini bundan kamiga sotmoqchi emaslar. Kataloniyaliklar esa 100 million evro va ba'zi futbolchilarni "PSJ"ga taklif qilishmoqda.