«Barselona» Dembeleni yirik miqdorda jarimaga tortdi

«Barselona» rahbariyati Usmon Dembeleni jarimaga tortishga qaror qildi. Frantsiyalik futbolchi mashg'ulotga kech kelish odatidan voz kecha olmayotgani uchun bu safar 50 ming evro miqdorida jarima to'laydigan bo'ldi.

Eslatib o'tamiz, "Espanol"ga qarshi bo'lib o'tgan bahsning ertasi kuni bo'lib o'tgan mashg'ulotda Usmon 2 soat kechikib keldi. Bundan tashqari, EChL doirasida "Kamp Nou"da o'tkazilgan o'yin arafasida futbolchi 25 daqiqa kech kelgani bois, u Valverde tomonidan o'tkazilgan taktika bilan bog'liq yig'ilishda ishtirok eta olmadi. Murabbiy bu holatni yashirishga harakat qilgan bo'lsa-da, Messi va Suares intizomsiz Dembeleni zaxirada qoldirishni bosh murabbiydan so'rashgan. Uning o'rniga esa Rafinya maydonga tushirildi.

Avvalroq "Barsa" etakchilaridan biri Jerar Pike 21 yoshli futbolchining ustidan hazil qilgandi: «Jamoaning WhatsApp messenjerida maxfiy chati bor. Biz u erda qachon va qaerda yig'ilishni muhokama qilamiz. Bu Dembele uchun foydali bo'lardi. Axir uchun hamisha kech qoladi».

Darvoqe, Usmon Dembele ushbu mavsumda «Barselona» safida jami 18ta o'yinda maydonga tushib, ularda 8ta gol urdi.