Gvardiola: "Bu qaror meni hayratda qoldirdi"

"Manchester Siti" bosh murabbiyi Xosep Gvardiola Chempionlar ligasi nimchorak final uchrashuvi oldidan "Bavariya"da bosh murabbiy almashish masalasini muhokama qildi.

“Nagelsmann bilan bog'liq qaror meni hayratda qoldirdi. Ammo shuni tan olish kerakki, Tomas Tuxel dunyodagi eng zo'r bo'lmasa ham, eng yaxshi murabbiylardan biri. U qaerda ishlasa ham, muvaffaqiyatga erishdi. Navbatdagi to'qnashuvimizni ko'rishdan xursand bo'laman", - dedi ispaniyalik mutaxassis matbuot anjumani chog'ida.

"Bavariya"da bosh murabbiy o'zgarishi 24 mart kuni e'lon qilindi.

Bugun, 11 aprel kuni Angliyada “Manchester Siti” va Myunxen grandlari o'rtasidagi ilk o'yin bo'lib o'tadi.