Tuxel: "Kanselu "Manchester Siti"ga qarshi juda do'stona munosabatda bo'lmasligi kerak"

"Bavariya" bosh murabbiyi Tomas Tuxel Chempionlar ligasi chorak finalida "Manchester Siti" bilan bo'ladigan o'yindan oldin himoyachi Joau Kanselu haqida fikr bildirdi.

Eslatib o'tamiz, portugaliyalik futbolchi huquqiy jihatdan "shaharliklar"ga tegishli va u hozirda "Bavariya"da ijara asosida o'ynaydi.

"U sobiq jamoasiga qarshi o'ynaydi, bunday vaziyatlar bo'lib turadi. Umid qilamanki, u his-tuyg'ularini boshqara oladi. Joau haddan tashqari g'ayratli bo'lmasligi kerak, lekin boshqa tomondan, u haddan tashqari do'stona va uyatchan bo'lmasligi kerak. Bilaman, u o'ynashni intizorlik bilan kutmoqda. Kanselu "Manchester Siti"ning o'yin tizimini juda yaxshi biladi, lekin men raqibning barcha rejalarini ham bilaman”, dedi Tuxel matbuot anjumanida.