Entso "Chelsi"dagi jamoadoshlari bilan qanday aloqada?

"Chelsi" yarim himoyachisi Entso Fernandes jamoadoshlari bilan muloqot qilish haqida gapirdi.

Argentinalik futbolchi yanvar oyida "Benfika"dan 121 million evro evaziga ko'chgan "ko'klar" safiga qo'shilgan edi.

"Xaverts va Feliks? Bizda futbol maydonidan tashqarida ham aloqamiz bor. Ammo "Chelsi"da boshqa sifatli futbolchilar ko'p. Hujumimizda hamma juda zo'r, hamma yuqori saviyada o'ynay oladi.

Oilam va men haligacha moslashyapmiz, lekin bu vaqt masalasi, hammasi yaxshi bo'ladi. London juda chiroyli shahar, menga bu er yoqadi”, dedi 22 yoshli yarim himoyachi UEFA rasmiy saytiga bergan intervyusida.