Valensiya: «Ko'rasiz, «Manchester Yunayted» Chempionlar ligasi finalida o'ynaydi»

«Manchester Yunayted» a'zosi Antonio Valensiyaning ta'kidlashicha, uning jamoasi kuchli to'rtlikka kira oladi, shuningdek, EChL finaligacha borishga qodir. Ma'lumot uchun, «qizil iblislar» EChL 1/8 finalida «PSJ» bilan kuch sinashishadi.

«Albatta, bizda kuchli to'rtlikka kirish imkoni bor. Mavsumning ikkinchi yarmida vaziyatni o'nglay olamiz. Bizda ajoyib tarkib bor.

Chempionlar ligasiga keladigan bo'lsak, biz imkon qadar uzoqqa borishni o'ylaymiz. Nega endi finalda o'ynamasligimiz kerak?» dedi Valensiya.