«Atletiko» «Yangi Ronaldu»ni qachon tanishtirishi ma'lum

“Benfika” yarim himoyachisi Joau Feliks “Atletiko”ga o'tishga yaqin turibdi.

As nashrining ma'lumotiga qaraganda, klublar vakillari seshanba kuni 19 yoshli futbolchini transferi borasida muzokara o'tkazishgan. Tomonlar o'zaro kelishuvga erishishdi.“Matraschilar” portugaliyalik futbolchini rasman chorshanba kuni e'lon qiladi.

“Atletiko” “yangi Ronaldu” uchun 120 mln evro to'laydi, futbolchining o'ziga esa yilliga 6 mln evro maosh to'laydi.

Ma'lumot o'rnida, o'tgan mavsum Feliks 26 ta o'yinda maydonga tushib, 15 ta gol va 7 ta golga assisentlik qildi.