«Milan» bir yilga Evropa ligasidan voz kechmoqchi

«Milan» Evropa ligasining kelgusi mavsumida ishtirok etishdan bosh tortishni rejalashtirmoqda. "Rossoneri" bu borada UEFA bilan kelishuvga erishishga yaqin turibdi.

Bu orqali milanliklar moliyaviy feyr-pley bilan bog'liq muammolarni hal qilib olish uchun qo'shimcha vaqtga ega bo'lishmoqchi.

Bir yil avval «Milan» rahbariyati Sport arbitraj sudga murojaat qilib, UEFAning klubi evrokuboklardan chetlatish haqidagi qarorini bir yilga kechiktirishga muvaffaq bo'lgandi.

"Milan" va UEFA o'rtasida kelishuvga erishilsa, jamoaning Evropa ligasi guruh bosqichida o'rnini «Roma» egallaydi, «Torino» esa saralash bosqichidan ishtirok etish huquqini qo'lga kiritadi.