«Bunyodkor» – «Metallurg» uchrashuvi TTYMI stadionida bo'lib o'tadi

Coca Cola O'zbekiston kubogida ertadan uchinchi bosqich o'yinlari start oladi.

Mazkur bosqichda qur'a natijalariga ko'ra, “Bunyodkor” o'z maydonida Bekobodning “Metallurg” jamoasini qabul qiladi.

“Qaldirg'ochlar” jamoasi ushbu o'yinni TTYMI stadionida o'tkazadigan bo'ldi. Coca Cola O'zbekiston kubogida uchrashuvlar bitta o'yindan iborat bo'lgani sabab va o'yinning penaltilar seriyasiga qadar davom etish ehtimoli bor ekani bois, shuningdek, TTYMI stadionida yoritish tizimi talablarga to'la javob bermasligi inobatga olingan holda ertangi bahs avvaldan belgilaganidek soat 18:00 da emas, balki 17:40 da boshlanadi.

O'zbekiston Kubogi / 3-bosqich
19 iyun, chorshanba
17:40 “BUNYoDKOR” – “METALLURG”
Hakamlar: Viktor Serazitdinov, Avazbek Abdullaev, Sardor Nishonboev, Ahmad Ergashev.
Nazoratchi: Arslon Xotamov.
Komissar: Erkin Baxtiyorov.