Buffon nima sabab PSJni tark etganini aytdi

Italiyalik darvozabon Janluiji Buffon nega PSJdan ketganligini ma'lum qildi.

“Besh oy oldin klub menga ikkinchi darvozabon bo'lishni taklif qildi. Yanvar oyidan boshlab menda bu taklifni o'ylab ko'rishga etarlicha vaqt bo'ldi va men bu taklifni rad qilishga qaror qildim.

To'g'risini aytsam taklifda ko'rsatilgan maoshni ko'rib hayron bo'ldim, bu juda ko'p! Men bir yil davomida hech narsa qilmay bunday ko'p maoshni olib yurishni o'zimga ep ko'rmayman”, - deydi Buffon Corriere dello Sport nashriga bergan intervyusida.