Ispaniya termasi XXI asrda "Santyago Bernabeu"dagi barcha o'yinda g'alaba qozonmoqda

Ispaniya terma jamoasi Evro-2020 saralashida Shvetsiya terma jamoasini mag'lub etdi (3:0).

Bu milliy jamoaning "Santyago Bernabeu"da XXI asrda o'tkazgan oxirgi 8 o'yindagi 8-g'alabasi bo'ldi.

Ispaniyaliklar "Santyago Bernabeuda" oxirgi marta 32 yil avval - 1987 yilning 18 fevralida, Angliya terma jamoasiga yutqazgan edi (2:4). Angliyaliklarning barcha 4 ta golini o'sha vaqtda "Barselona"da o'ynagan Gari Lineker urgan edi.

Ispaniya o'z uyida oxirgi marta 2018 yilning 15 oktyabrida yutqazgan. Bu Sevilyada bo'lgan edi. O'shanda ispanlarni yana o'sha Angliya xafa qilgan edi - 3:2.