Millatlar ligasi. Angliya penaltilar seriyasi orqali bronza medaliga ega chiqdi

UEFA millatlar ligasining final bosqichida 3-o'rin uchun o'yin bo'lib o'tdi. Shveytsariya va Angliya terma jamoalari o'rtasidagi o'yinning asosiy va qo'shimcha bo'limlarida hisob ochilmadi.

Darvoqe, uchrashuvning 83-daqiqasida Uilson raqib darvozasini ishg'ol qilib, britaniyaliklarni hisobda oldinga olib chiqqan edi. Ammo hakam vaziyatni qaytadan ko'rganidan keyin golni bekor qildi. Boisi, futbolchi gol urishidan oldin himoyachini tortib yiqitgan edi.

Penaltilar seriyasida esa omad inglizlarga kulib boqdi. Dastlabki besh martadan berilgan zarbalarning barchasi golga aylandi. Jamoasining beshinchi zarbasini golga aylantirgan Angliya terma jamoasi posboni Jordan Pikford, Shveytsariyaning oltinchi zarbasini qaytardi. Natijada Angliya termasi UEFA millatlar ligasining bronza medalini qo'lga kiritdi.

UEFA Millatlar ligasi, 3-o'rin uchun o'yin
Shveytsariya – Angliya - 0:0. Penaltilar bo'yicha — 5:6
Shveytsariya – Zommer, Sher, Akanji, Rodriges (Drmich, 87), Elvedi, Fernandesh (Zakariya, 61), Froyler, Shakiri (Tsuber, 65), Jaka, Mbabu, Seferovich (Okafor, 113).
Angliya – Pikford, Maguayr, Gomes, Rouz (Uoker, 70), Delf (Barkli, 105), Alli, Lingard (Sancho, 105), Sterling, Dayer, Aleksander-Arnold, Keyn (Uilson, 75).
Penaltilar seriyasi:
Maguayr (0:1) — Tsuber (1:1)
Barkli (1:2) — Jaka (2:2)
Sancho (2:3) — Akanji (3:3)
Sterling (3:4) — Mbabu (4:4)
Pikford (4:5) — Sher (5:5)
Dayer (5:6)  — Drmich (5:6)