Allegri: "Yuventus"ning vazifasi - A Seriyada jon saqlab qolish"

Turinning "Yuventus" klubi ustozi Massimiliano Allegri "keksa sinora"ga nisbatan qo'llanilgan sanktsiyalardan so'ng Italiya chempionatining elit divizionida jon saqlab qolish haqida gapirdi. Moliyaviy firibgarlik uchun klubdan 15 ochko olib tashlandi.

"A Seriyadan tushib ketmaslik uchun 40 ochko to'plashimiz kerak. Ajablanarlisi shundaki, hozircha fikrlarimiz shu vazifaga qaratilgan bo'lishi kerak. Biz bosqichma-bosqich harakat qilamiz. Oldinda hali uzoq mavsum bor, biz poygani davom ettiramiz. O'zimizni oqlamasdan, maydonda hamma narsani ko'rsatishimiz kerak", - dedi Allegri ESPN bilan suhbatda.

O'tkazilgan 20 ta o'yindan so'ng, "Yuventus" 23 ochko to'pladi va Italiya chempionati turnir jadvalining 13-pog'onasida bormoqda.