Xitoylik yirik investorlar «Qo'qon-1912» jamoasi ofisiga tashrif buyurdi
/ Kiritdi: BestMaster Ko'rilgan: 105
Bugun «Qo'qon-1912» jamoasining ofisiga Xitoyning Kuytun shahridan kelgan yirik investorlar tashrif buyurishdi. Jamoaning katta tarixga ega bo'lganidan xabar topgan investorlar «Qo'qon-1912» futbol klubi tarixiga katta qiziqish bildirdilar. Mehmonlarni jamoa rahbariyati iliq kutib oldi va ularga jamoaning tarixi haqida qiziqarli ma'lumotlar berildi. Investorlar va «Qo'qon-1912» jamoasi vitse-prezidenti Akramjon Mamadaliev o'rtasida qizg'in suhbat bo'lib o'tdi
Xitoylik mehmonlar «Qo'qon-1912» jamoasini Kuytun shahridagi mahalliy jamoa bilan o'rtoqlik uchrashuviga taklif qilishdi. Agar «Qo'qon-1912» jamoasi bu taklifga rozi bo'ladigan bo'lsa, kutib olish va mehmonxona xarajatlarni xitoyliklar o'z bo'ynilariga olishlarini ham ta'kidlashdi. Bu taklifga javoban esa jamoa rahbariyati chempionat vaqtida bo'ladigan tanaffusda Xitoyga borib, o'rtoqlik uchrashuvida maydonga tushishga rozilik berishdi. Bu masala bo'yicha keyinchalik yana bir bor suhbatlashishga kelishib olindi. Uchrashuv so'nggida investorlarga esdalik sovg'alari taqdim etildi.
Shuningdek jamoa rahbari Qo'qon shahri hokimi Ma'rufjon Azamovich Usmonov qabulida bo'ldi. Qabul davomida hokimimiz jamoa a'zolarini «Farg'ona viloyati hokimi kubogi» turniridagi g'alaba bilan tabrikladilar hamda jamoamizni har tomonlama qo'llab quvvatlashga tayyor ekanliklarini bildirdi.
Bosh sahifaga
255
