Potter: "Ko'plab hamkasblarim mening o'rnimda bo'lishni orzu qilishadi"

"Chelsi" bosh murabbiyi Grem Potterning aytishicha, uning ko'plab hamkasblari "ko'klar" ustozi o'rnida bo'lishni orzu qiladi.

Eslatib o'tamiz, qishda angliyalik murabbiy tarkibini kuchaytirish uchun 320 million evrodan ko'proq mablag' olgandi.

"Dunyodagi ko'plab murabbiylar mening o'rnimda bo'lishni xohlashadi. Bu juda hayajonli davrlarni boshdan kechirayotgan fantastik futbol klubi. Bu erda ishlayotgan har bir kishi o'z joyidan xursand va minnatdor bo'lishi kerak" - dedi Potter matbuot anjumanida.

Eslatib o'tamiz, "Chelsi" Angliya Premer-ligasi turnir jadvalida 9-o'rinda bormoqda. Chempionatning navbatdagi turida Potter shogirdlari safarda “Vest Xem” bilan to'qnash kelishadi.