Turkiyadagi zilzila Antaliyada yig'in o'tkazayotgan klublarimizga zarar etkazmadimi?

Bugun tong saharda Turkiyaning bir qator shaharlarida kuchli zilzila kuzatildi. Seysmologlarning ma'lumotiga qaraganda, 7,8 gacha bo'lgan magnitudali er silkinishi qayd etilgan.

Ma'lumki, Turkiyaning Antaliya shahrida ayni chog'da O'zbekistondan kelgan 14 ta klub va terma jamoalarimiz o'quv-mashg'ulot yig'inlarini olib bormoqdalar. Tabiiyki, bugungi kuchli zilziladan so'ng xavotir bildirib, bizga ko'plab qo'ng'iroqlar kelib tushmoqda.

Ma'lumot sifatida shuni aytmoqchimizki, Antaliya shahrida aytarli er silkinishi kuzatilgani yo'q va bu erdagi barcha yurtdoshlarimiz sog'-salomat. Biz uchun qayg'urganlarga esa o'z minnatdorchiligimizni bildiramiz.

Shu o'rinda boshqa shaharlardagi zilzila oqibatida vafot etganlarning yaqinlariga hamdardligimizni ma'lum qilamiz.

“Andijon” matbuot xizmati.