Shomurodovni yaxshi qo'riqlagan koreyalik futbolchi «Spetsiya» - «Napoli» uchrashuvining eng yaxi futbolchilaridan biri bo'ldi

Italiya chempionatining 21-turi doirasida «Napoli» safarda «Spetsiya» klubi mehmoni bo'lib, 3:0 hisobida g'alaba qozondi. "ASport" nashri neapolliklarning ushbu g'alabasida 3 futbolchining xizmatlarini e'tirof etdi.

Xvicha Kvaratsxeliya
Gruziyalik futbolchi yorqin o'yin ko'rsatdi va jamoasining barcha 3ta golida ishtirok etdi. U penaltini aniq amalga oshirdi, jamoasining ikkinchi golida hujumni boshlab berdi, uchinchi golda esa raqib himoyachisining xatosidan foydalanib to'pni egalladi va Osimxenni bo'sh darvoza qarshisiga chiqardi.

Kim Min Je
Janubiy koreyalik yana bir marta jamoaviy o'yinchi ekanini namoyish etdi. U o'zining harakatlari orqali Eldor Shomurodovga imkoniyat bermadi va o'zbekistonlik futbolchini xafa qildi. Shunga qaramay, u o'z paslarini yaxshilashi kerak.

Viktor Osimxen
A seriyaning eng yaxshi to'purari vaziyatlardan unumli foydalanib, «Spetsiya» darvozasiga 2ta gol urdi. U "xet-trik"ni rasmiylashtirishi ham mumkin edi. Ammo darvozabon bilan yakkama-yakka vaziyatga chiqishdan oldin himoyachiga nisbatan fol ishlatgani uchun gol bekor qilindi.