Umid Axmadjonov: «O'zbekiston ikki Osiyo kubogi musobaqasidan biriga mezbonlik qiladi»
/ Kiritdi: BestMaster Ko'rilgan: 1495
O'zbekiston 2020 yili 19 yoshgacha bo'lgan o'smirlar o'rtasidagi Osiyo kubogi musobaqasi va 2022 yili ayollar o'rtasidagi Osiyo kubogi musobaqasiga mezbonlik qilishi mumkin.
Bu haqda O'FA birinchi vitse-prezidenti Umid Ahmadjonov Worldnews.uz axborot agentligiga ma'lum qildi.
Ma'lumki, avvalro Frantsiya poytaxti Parij shahrida FIFAning 69-kongressi bo'lib o'tdi. Kongressda tashkilotga a'zo 211ta mamlakat futbol assotsiatsiyalari rahbarlari qatorida O'FA birinchi vitse-prezidenti Umid Ahmadjonov ham ishtirok etdi.
Kongress davomida Umid Ahmadjonov OFK prezidenti Shayx Salmon Ibrohim bin Halifa bilan uchrashdi va ikki nufuzli musobaqani O'zbekistonda tashkil etish borasida muzokaralar olib bordi.
Shuningdek, Umid Ahmadjonovning ma'lum qilishicha, Shayx Salmon ham bu taklifni ijobiy qabul qilgan va ikki musobaqaning kamida bittasi O'zbekistonda o'tkazilishiga ishonmoqda. Bu borada OFKning yakuniy qarori tashkilotning keyingi yig'ilishlarida e'lon qilinishi kutilmoqda.
Bosh sahifaga
232