Ziesh o'z hisobidan "PSJ"ga o'tmoqchi bo'lgan

Sky Sports xabariga ko'ra, "Chelsi" yarim himoyachisi Hakim Ziesh transfer oynasining so'nggi kunida "PSJ"ga o'tish uchun o'z pulidan to'lashga tayyor edi.

Manbaga ko'ra, marokashlik futbolchi hali ham Parijda va "Chelsi" rahbariyatidan buzilgan transfer uchun juda g'azablangan.

Ziesh transfer oynasining so'nggi kunida "PSJ"ga o'tishni yakunlashi kutilgandi. Ammo "Chelsi" noto'g'ri hujjatlar taqdim etgan va futbolchining kelishuvi o'z vaqtida yakunlanmagan.

29 yoshli marokashlik futbolchining "Chelsi" bilan amaldagi shartnomasi 2025 yilning yoziga qadar mo'ljallangan.